Երեքշաբթի, 16 դեկտեմբերի, 2025 թ.
|
Ստեփանակերտում`   +3 °C

ՔՊ-ի քաղաքական ժողովի առաջին նիստը կանցկացվի Ջերմուկում

ՔՊ-ի քաղաքական ժողովի առաջին նիստը կանցկացվի Ջերմուկում
242
Չորեքշաբթի, 23 նոյեմբերի, 2022 թ., 13:24

Նոյեմբերի 22-ին տեղի է ունեցել «Քաղաքացիական պայմանագիր» կուսակցության Վարչության նիստ, որը վարել է Վարչության նախագահ, ՀՀ վարչապետ Նիկոլ Փաշինյանը:

Այս մասին տեղեկացնում են կուսակցությունից:

Նշվում է, որ քննարկվել է Վարչության նախորդ նիստում կայացված մի շարք որոշումների կատարման ընթացքը, որոշվել է կուսակցության Քաղաքական ժողովի առաջին նիստը անցկացնել դեկտեմբերին՝ Ջերմուկ քաղաքում:

Որոշվել են Վարչության նախագահի տեղակալների համակարգման ոլորտները. տեղակալների նշանակումը տեղի կունենա առաջիկա նիստերից մեկում: Քննարկվել և լրամշակման է ուղարկվել կուսակցության աշխատակազմի հաստիքացուցակը:

Նիստի ընթացքում մտքեր են փոխանակվել Գյումրիի և Սպիտակի ավագանիների՝ «Քաղաքացիական պայմանագիր» խմբակցությունների գործունեության վերաբերյալ:

Օրակարգում ընդգրկված են եղել նաև աշխատակարգային հարցեր: