Մոսկվան և Կիևը գերիներ են փոխանակել՝ 35-ը 36-ի դիմաց

636

Չորեքշաբթի, 23 նոյեմբերի, 2022 թ., 22:30

Ուկրաինան և Ռուսաստանը կրկին գերիների փոխանակում են իրականացրել:

Ուկրաինայի նախագահի աշխատակազմի ղեկավար Անդրեյ Երմակը հայտնել է, որ Ուկրաինա է վերադարձել 36 մարդ՝ մեկ քաղաքացիական և 35 զինվորական։

Նրա խոսքով, ազատ արձակվածների թվում են Մարիուպոլը պաշտպանած տղաները, որոնք եղել են Ազովստալում, ինչպես նաև ներխուժման առաջին օրերին Զապորոժիեի ատոմակայանում գերեվարված ազգային գվարդիականները:

«Ընդհանուր առմամբ, ազատ են արձակվել Ազգային գվարդիայի 22 սպա, 8 սահմանապահ, 4 ռազմածովային մարտիկ, մեկ տղա՝ Ուկրաինայի զինված ուժերից։ Ցավոք, ազատ արձակված քաղաքացիական անձի ոտքն անդամահատվել է»,- մանրամասնել է նա։

Ավելի վաղ հայտնել էինք, որ Կիևը Մոսկվային է վերադարձրել 35 ռուս զինվորի: