Հունգարիան որոշում է կայացրել Շվեդիայի և Ֆինլանդիայի վերաբերյալ

1191

Հինգշաբթի, 24 նոյեմբերի, 2022 թ., 20:30

Հունգարիայի խորհրդարանը մեկ ամսվա ընթացքում կվավերացնի Ֆինլանդիայի և Շվեդիայի անդամակցությունը ՆԱՏՕ-ին, հայտարարել է Լեհաստանի վարչապետ Մատեուշ Մորավիեցկին, հայտնում է Reuters-ը։
Նրա խոսքով՝ ինքը նման խոստում է ստացել Հունգարիայի վարչապետ Վիկտոր Օրբանից՝ Վիշեգրադյան խմբի ղեկավարների գագաթնաժողովի ժամանակ տեղի ունեցած առանձնազրույցի ժամանակ։

«Ես վարչապետ Օրբանին խնդրեցի հնարավորինս շուտ վավերացնել Ֆինլանդիայի և Շվեդիայի անդամակցությունը ՆԱՏՕ-ին: Եվ ես խոստում ստացա, որ վավերացումը տեղի կունենա նոր տարում խորհրդարանի առաջին նիստում, այսինքն՝ մեկ ամսից մի փոքր ավելի հետո»,- ասել է Լեհաստանի վարչապետը։