Արցախյան երկու պատերազմներում կյանքեր փրկած աղոթագիրքը գտավ իր «նոր տունը»
400 Երկուշաբթի, 28 նոյեմբերի, 2022 թ., 03:06 «Զինվորի Տուն» վերականգնողական կենտրոնում օծվեց և բացվեց սրբավայր, որտեղ իր առանձնահատուկ տեղը գտավ Արցախյան երկու պատերազմներում կյանքեր փրկած աղոթագիրքը: Աղոթագիրքը «Զինվորի Տուն» սրբավայրին նվիրեց 44-օրյա պատերազմի մասնակից, գյումրեցի Արամ Թերզյանը: Նա պատմեց, որ աղոթագիրքը 1994 թվականի Արցախյան պատերազմի ժամանակ եղել է իր հոր մոտ, որը շատ դեպքերում փրկել է նրա կյանքը: «Տարիներ անց՝ 44-օրյա պատերազմի ժամանակ,ես էլ որոշեցի վերցնել այն ինձ հետ և Հադրութում հոկտեմբերի 10-ին այն փրկեց նաև իմ կյանքը: Փամփուշտը, դիպչելով աղոթագրքին փոխեց ուղղությունը։ Ես հրաշքով փրկվեցի: Եվ ես ու իմ ընտանիքը որոշեցինք մեր տան աղոթքի անկյունից այս աղոթագիրքը տեղափոխել «Զինվորի Տուն», որովհետև երկուսն էլ մեր տունն են: Ցանկանում եմ, որ այն իր զորությամբ ծառայի այստեղ բուժվող բոլոր մեր տղաներին, և որ բոլորը տեսնեն ու հավատան, որ հրաշքներ իրոք կան»,-ասաց նա: Արամ Թերզյանն ընդգծեց, որ ամեն դեպքում վիրավորում ստացել է, բայց վերականգնողական բուժումների շնորհիվ այսօր ամբողջությամբ ապաքինվել է: Զինվորի տան տնօրեն Հայկուհի Մինասյանն ասաց, որ բազմիցս նշել են, որ «Զինվորի Տուն»-ը կառուցվել է Աստծո օրհնությամբ, այն միավորել է բոլորին: «Տղաներին օգնելու գաղափարը Աստծո օգնությամբ և գոյությամբ միավորեց ամբողջ հայ ժողովրդին: Քանի որ այդ հավատքը մենք ու մեր բոլոր տղաները ունեինք, մեզ մոտ գաղափար առաջացավ, որ անպայման ունենանք նաև աղոթքի սենյակ, որպեսզի տղաները կարողանան աղոթել այնտեղ: Վստահ եմ, որ սա նոր շունչ է հաղորդել ու մեզ բոլորիս»,-ասաց Մինասյանը: Մատուռում տեղադրված է խաչքար, որը կենտրոնի սրբավայրին նվիրաբերել է Մայր Աթոռը: Այն 13-րդ դարի խաչքար է, որը բերվել է Արցախից: |
«Ցեղասպանվեցինք, որովհետև մեզնից առավել ուրիշին սիրեցինք. այսօր պատմությունը կրկնվում է». Արշակ Սրբազանի ելույթը (տեսանյութ)
222Երեկ, 01:54Մայր Աթոռը հայտարարություն է տարածել
32922.04.2024, 18:06«Հայ ժողովուրդն ամենուր պետք է շարունակի համախմբվել՝ հանուն Ցեղասպանության դատապարտման»․ Կաթողիկոս
40721.04.2024, 22:00«Հայի պատմությունը բնավ զիջումի քաղաքականության պատմություն չի եղել». Արամ Ա
36221.04.2024, 19:54Տիգրան Համասյանի համերգը՝ Խուստուփ լեռան լանջին (լուսանկար, տեսանյութ)
36721.04.2024, 13:18«Արա Գեղեցիկ և Շամիրամ» կտավը մասնակցում է նոր ցուցադրության (լուսանկար)
31121.04.2024, 00:30«Ցեղասպանված հուշարձաններ». կցուցադրվեն Հայաստանի պատմության թանգարանում
29220.04.2024, 23:24Հայոց ցեղասպանության զոհերի հիշատակին նվիրված համերգ՝ Հաագայում
85220.04.2024, 00:24