ԵՄ-ն սպառնում է արգելափակել Twitter-ը

Եվրոմիությունը սպառնացել է Twitter-ն արգելափակել իր տարածքում, եթե սոցցանցի սեփականատեր Իլոն Մասքը չհետևի բովանդակության մոդերատորության ԵՄ կանոններին, հայտնում է Financial Times-ը՝ հղում անելով աղբյուրներին։
Եվրոհանձնակատար Թիերի Բրեթոնն, ով պատասխանատու է ԵՄ թվային օրենքների կիրառման համար, սպառնալիք է հնչեցրել չորեքշաբթի օրը Մասքի հետ տեսազանգի ժամանակ, գրում է թերթը՝ վկայակոչելով խոսակցությանը ծանոթ մարդկանց։
Նշվում է, որ Բրեթոնը Մասքին ասել է, որ հետևի կանոնների ցանկին, որը ներառում է հստակ չափանիշների ստեղծում, որոնցով տվյալ օգտատերը կարող է արգելափակվել, ոչ թե «կամայականորեն» վերականգնել արգելափակված օգտատերերին, «ագրեսիվ» հետևել ապատեղեկատվությանը և համաձայնել «հարթակի լայնածավալ անկախ աուդիտին» մինչև հաջորդ ամառ: Նշվում է, որ եթե Twitter-ը խախտի օրենքը, ապա սոցցանցը կկանգնի ԵՄ-ում արգելքի կամ համաշխարհային շրջանառության մինչև 6%-ի տուգանքի առաջ: Միաժամանակ Financial Times-ի զրուցակիցները պնդում են, որ Մասքը բազմիցս օրենքը անվանել է «շատ ողջամիտ» և ասել, որ այն պետք է կիրառվի «ամբողջ աշխարհում»։
Բացի այդ, ըստ թերթի, Բրեթոնը Մասքին կոչ է արել կիրառել գովազդի վերաբերյալ խիստ կանոններ, որոնք ներառում են երեխաներին «թիրախավորելու» արգելքը և բոլոր օգտատերերին «թիրախավորելու» արգելքը՝ հիմնված «զգայուն տեղեկատվության» վրա, ինչպիսիք են կրոնական և քաղաքական համոզմունքները:
Ավելի վաղ Մասքը հայտարարել էր, որ կվերականգնի արգելափակված հաշիվները սոցցանցում այն ​​բանից հետո, երբ իր հարցման մասնակիցների մեծամասնությունը կողմ է արտահայտվել էջերի «համաներմանը»։ Մինչ այս հարցումների հիման վրա բացվել էր նաև ԱՄՆ նախկին նախագահ Դոնալդ Թրամփի էջը։