Հունաստանը փակել է երկինքը Բելառուսից եկող ինքնաթիռների համար

Հունաստանը որոշել է փակել իր օդային տարածքը Բելառուսից եկող ինքնաթիռների համար։ Աթենքը նաև արգելել է թռիչքները դեպի այդ երկիր, հայտնում է Pentapostagma-ն։

Ինչպես նշում է թերթը, այս որոշումը կապված է Ուկրաինայի դեմ Ռուսաստանի պատերազմին Բելառուսի հնարավոր անմիջական մասնակցության վերաբերյալ աճող մտավախությունների հետ։ Այսօր երկրի իշխանությունները հաստատել են մի շարք սահմանափակումների ներդրման վերաբերյալ համապատասխան հրահանգը։

«Խորհրդի որոշման համաձայն՝ բելառուսական ավիափոխադրողների կողմից շահագործվող ինքնաթիռներին արգելվում է վայրէջք կատարել, թռիչք կատարել Հունաստանի տարածքից կամ թռչել նրա տարածքի վրայով»,- ասվում է հրահանգում։

Հունական ավիափոխադրողները չպետք է թռիչքներ կատարեն դեպի Մինսկ և թռչեն Բելառուսի օդային տարածքով։