«30 տարի պահվել է Արցախը, լավից-վատից պահվել է». Արթուր Խաչատրյան

«Գալիս եք, լուրջ դեմքով, ասում եք՝ մենք 30 տարի պահել ենք, ի՞նչ եք պահել, դուք 30 տարի պահել եք էն դամը, որի տակ թշնամին հզորացել ա, ձեր ղեկավարները հարստացել են, մեր բանակն էլ առաջ չի գնացել, ու եթե ինչ-որ մեկը կգա էս ամբիոնից կասի, որ ինքը հիշում ա գեթ մի նոր, նորագույն ռազմական միջոց, որը դուք գնել եք ձեր կառավարության տարիներին, ապա ես կշշմեմ ուղղակի»,- ԱԺ արտահերթ նիստում այսօր հայտարարել էր ՔՊ-ական պատգամավոր Վահագն Ալեքսանյանը՝ արձագանքելով ընդդիմադիրների ելույթներին:

Ավելի ուշ «Հայաստան» խմբակցության պատգամավոր Արթուր Խաչատրյանն անդրադառնալով Ալեքսանյանի ելույթին՝ հիշեցրել է Փաշինյանի հայտարարությունը Սարդարապատում. «Ասում էր՝ մենք ունենք ամենամարտունակ բանակը, 44-օրյա պատերազմում մենք կհաղթեինք, եթե չլինեին թուրքերը․ բա էդ 30 տարվա ընթացքում էդ պոտենցիալը չէր հավաքվե՞լ...»:

Խաչատրյանի խոսքով՝ «30 տարի պահվել է Արցախը, լավից վատից պահվել է. հին զենքով, թե՞ նոր զենքով, պահվել է»: