Արցախի նախագահը խորհրդակցություն է անցկացրել ուժային կառույցների ղեկավարների մասնակցությամբ

Արցախի Հանրապետության նախագահ Արայիկ Հարությունյանը խորհրդակցություն է անցկացրել ուժային կառույցների ղեկավարների մասնակցությամբ, որին մասնակցել է նաև անվտանգության խորհրդի քարտուղար Վիտալի Բալասանյանը։ Այս մասին տեղեկացրել է նախագահի մամուլի ծառայությունը։

Քննարկվել է հարցերի լայն շրջանակ, որոնք վերաբերել են ներքին և արտաքին անվտանգությանը՝ հանրապետությունում Ադրբեջանի կողմից Լաչինի միջանցքի շրջափակման հետևանքով ստեղծված իրավիճակում։ Քննարկումներից հետո նախագահ Հարությունյանը ներկաներին դրանց համալիր լուծման հանձնարարություններ է տվել։