Շաբաթ, 28 մարտի, 2026 թ.
|
Ստեփանակերտում`   +7 °C

Լեհաստանի, Լիտվայի և Ուկրաինայի նախագահները ստորագրել են համատեղ հայտարարություն

Լեհաստանի, Լիտվայի և Ուկրաինայի նախագահները ստորագրել են համատեղ հայտարարություն
854
Չորեքշաբթի, 11 հունվարի, 2023 թ., 18:24

Լեհաստանի նախագահներ Անջեյ Դուդան, Լիտվայի Գիտանաս Նաուսեդան և Ուկրաինայի նախագահ Վլադիմիր Զելենսկին Լվովում հանդիպել են, որտեղ ստորագրել են Լյուբլինյան եռանկյունու նախագահների համատեղ հայտարարությունը։

Այս մասին ասվում է Լեհաստանի նախագահի աշխատակազմի հաղորդագրության մեջ։

«Լեհաստանի նախագահ Անջեյ Դուդան, Լիտվայի նախագահ Գիտանաս Նաուսեդան, Ուկրաինայի նախագահ Վլադիմիր Զելենսկին այսօր Լվովում ստորագրել են Լյուբլինյան եռանկյունու նախագահների համատեղ հայտարարությունը»,- ասվում է զեկույցում։

Փաստաթղթի մանրամասները դեռ հայտնի չեն։

Լյուբլինյան եռանկյունին ստեղծվել է 2020 թվականի ամռանը՝ Լիտվայի, Լեհաստանի և Ուկրաինայի արտգործնախարարների հանդիպման արդյունքում Լյուբլինում։ Այն ձևավորած երեք հանրապետությունների միջև քաղաքական, տնտեսական և սոցիալական համագործակցության հարթակ է։ 2021 թվականի հուլիսին նրանք ստորագրեցին մի շարք փաստաթղթեր, այդ թվում՝ հռչակագիր համատեղ պատմական ժառանգության մասին, և Ուկրաինայի արտգործնախարար Դմիտրի Կուլեբան ասոցիացիան անվանեց «ռուսական աշխարհին» այլընտրանք և հույս հայտնեց, որ մի օր Բելառուսը կմիանա Լյուբլինյան եռանկյունուն:

Կարդացե՛ք նաև