«ՔՊ-ն եփեց այս բորշչը, թող ինքն էլ ուտի»․ Ա․ Մինասյանը՝ բացակայող պատգամավորներին մանդատից զրկելու մասին

«Իրենց որոշելիքն է, ինչ ուզում են թող որոշեն, մի կողմից գնահատում ենք քաղաքական իշխանության վարքագիծ, մյուս կողմից՝ գոծող օրենսդրության անկատարության շեղված ներկայացում»,-լրագրողների հետ զրույցում՝ անդրադառնալով ընդդիմադիր պատգամավորներին մանդատից զրկելու խորհրդարանական մեծամասնության՝ ՍԴ դիմելու որոշմանը, ասել է «Հայաստան» խմբակցության քարտուղար Արծվիկ Մինասյանը։

Արծվիկ Մինասայնը՝ նշել է, որ խմբակցությունը խորհրդի վաղվա նիստին չի մասնակցելու․ «Խորհրդի նիստին չենք մասնակցելու, ինչ ուզում են թող որոշեն, դա իրենց դաշտում է՝ իրենք են եփել այդ բորշչը, թող իրենք էլ ուտեն»,- ասել է նա։