«Լաչինի միջանցքի փակ լինելու պատճառով չեմ պատկերացնում մեկնելու Ձեր առաջարկը». Ալեն Սիմոնյան

ԱԺ նիստի մեկնարկին «Հայաստան» խմբակցության պատգամավոր Արծվիկ Մինասյանը հետաքրքրվեց՝ նախատեսվում է արդյո՞ք քննարկում՝ ՀՀ և ԱՀ պատգամավորների միջև՝ ստեղծված ծանր պայմաններում ելքեր գտնելու ուղղությամբ: ԱԺ նախագահն ասաց, որ ստեղծված իրավիճակում նման բան նախատեսելը դժվար է: «Գուցե փորձ արվի Արցախ մեկնելու համար հիմքեր ստեղծել կամ առցանց քննարկում կազմակերպել»,- Մինասյանի դիտարկմանը՝ Ալեն Սիմոնյանն արձագանքեց. «Լաչինի միջանցքի փակ լինելու պատճառով չեմ պատկերացնում՝ մեկնելու Ձեր առաջարկն ինչպես կարելի է իրագործել, առցանցի մասին կարող ենք քննարկել: Եթե նման հնարավորություն տեսնում են նաև ԱՀ մեր գործընկերները, ինչո՞ւ ոչ»: