Մոտ 400 ուկրաինացի երեխա արդեն տրվել է ռուս ընտանիքներին. իրավապաշտպաններ

Ռուսաստանն արտաքսել է 260.000-700.000 ուկրաինացի անչափահասների: Շատերը տեղափոխվել են իրենց օրինական ներկայացուցիչների հետ։

Այս մասին ասվել է Ուկրաինայի քաղաքացիների՝ Ռուսաստան և Բելառուս արտաքսման վերաբերյալ վերլուծական զեկույցի ներկայացման ժամանակ, հայտնում է Ukrainska Pravda-ն։

Ռուսական աղբյուրների համաձայն, ավելի քան 4 միլիոն ուկրաինացի այժմ Ռուսաստանում է։ Մարդիկ, հիմնականում Մարիուպոլից և Խերսոնից, տեղահանվել են ռուսական համատարած ներխուժման ժամանակ։ Մինչև 2022 թվականի փետրվարի 24-ը տեղահանությունը տեղի էր ունենում ժամանակավորապես գրավված տարածքներից։

«Տեղահանումը ներառում է մի քանի փուլեր և ռազմական հանցագործություններ՝ խոշտանգումներ, անմարդկային վարքագիծ, ֆիլտրման ճամբարներ, որոնք նախորդել են տեղահանությանը», - ասում է ԶՄԻՆԱ Մարդու իրավունքների կենտրոնի շահերի պաշտպանության տնօրեն Ալենա Լունևան։
Արտաքսվածներից շատերն անչափահաս են։ Ըստ Ռուսաստանի Մարդու իրավունքների տարածաշրջանային կենտրոնի իրավաբան Եկատերինա Ռաշևսկայայի, տարբեր աղբյուրների համաձայն, արտաքսվել է 260.000-ից գրեթե 700.000 անչափահաս, ինչպես նաև 1.500-ից 2.500 որբ երեխա: Առնվազն 400 երեխա արդեն դարձել է ռուսական ընտանիքների անդամ։

Երեխաներին արտաքսել են Ռուսաստանի առնվազն 57 շրջաններ, նրանց աշխարհագրությունը բոլորովին տարբեր է՝ Սախալին, Աստրախան, Մուրմանսկ, Դաղստան»,- ասել է Ռաշևսկայան։

Նա հավելել է, որ Ռուսաստանի Դաշնության նման գործողությունների նպատակը ուկրաինացի ժողովրդի և ազգի ցեղասպանությունն է։