Շաբաթ, 28 հունվարի, 2023 թ.
|
Ստեփանակերտում`   0 °C

«Զինանոցներ, դիրքեր, կացարաններ սարքելու համար կա ամեն ինչ կա, միայն չկա հրաման». Վահե Սարգսյան

«Զինանոցներ, դիրքեր, կացարաններ սարքելու համար կա ամեն ինչ կա, միայն չկա հրաման». Վահե Սարգսյան
197
Կիրակի, 22 հունվարի, 2023 թ., 20:30

Պատմաբան, խմբագիր Վահե Սարգսյանը ֆեյսբուքյան իր էջում գրել է. «ՈՄԱ֊ն խրամատներ է կառուցելու Գորիսում, Հադրութի համար դեռ մարտեր են գնում, Շուշիի համար մարտերը շարունակվում են կամ նիկոլական հերթական կրկեսի մասին...
Պատկերացնո՞ւմ եք՝ 2022 թ․ բյուջեն պաշտպանության գծով ունի 190 մլրդ դրամի թերակատարում․ պաշտպանության ոլորտի համար հատկացված 360 մլրդ դրամից ծախսվել է ընդամենը 170 մլրդ դրամը։ Այսինքն՝ նորմալ, անվտանգ զորամասեր, զինանոցներ, դիրքեր, կացարաններ սարքելու համար կա ամեն ինչ կա, միայն չկա հրաման դրանք կառուցելու, և արդյունքում՝ մեջտեղում է հայտնվում ինչ որ մի հասարակական կազմակերպություն և կրակային դիրքեր կամ խրամատներ սարքելու արտոնագիր ստանում...
Էս կրկեսի վերջը պիտի տրվի, մենք քոչվոր ցեղախումբ չենք, մենք հարկ ենք վճարում, և պետությունը արագորեն պիտի ձեռնարկի մեր պաշտպանությունը, այլ ոչ թե ինչ որ ՀԿ֊ներ էս կապիկությունների ֆոնին հերոսանան, փող հավաքեն, հասարակության հայրենասիրական մղումները պարպեն ու վերջում էլ կարող է հանկարծ ասեն՝ մենք քաղաքականությամբ չենք զբաղվում, սաղ մեկ են, այն է՝ նիկոլ վարչապետ...
Կայացած կամ կայացող բանակին օժանդակելը բոլորովին ուրիշ բան է, միանգամայն խրախուսելի, և ազգ֊բանակ հայեցակարգը միանշանակ պիտի գործի, բայց դիտավորյալ կազմալուծվող բանակի պայմաններում հասարակության էներգիան ուղղել ոչ թե իշխող թուրքահաճո խունտային քշելու և հզոր պետական հանակարգ կառուցելու, այլ իբր պետության կամ բանակի փոխարեն գործ անելու՝ սա լրիվ ուրիշ երգ ու սցենար է, շատ վտանգավոր ու կասկածելի սցենար»:

Աղբյուրը`   Վահե Սարգսյան