Չորեքշաբթի, 22 ապրիլի, 2026 թ.
|
Ստեփանակերտում`   +11 °C

Ողբերգական հրդեհից զոհված 15 զինծառայողների դիերի նույնականացման գործընթացն ավարտվել է

Ողբերգական հրդեհից զոհված 15 զինծառայողների դիերի նույնականացման գործընթացն ավարտվել է
871
Երկուշաբթի, 23 հունվարի, 2023 թ., 10:30

Գեղարքունիքի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում հրդեհից զոհված 15 զինծառայողների դիերի նույնականացման գործընթացն ավարտվել է. «Լուրերի» հետ զրույցում Քննչական կոմիտեի մամուլի քարտուղար Գոռ Աբրահամյանը հայտնել է, որ սկսվել է դիերը ծնողներին փոխանցելու գործընթացը։

Դեպքի առթիվ նախաձեռնված քրեական վարույթի շրջանակում որևէ անձ կասկածյալի կամ մեղադրյալի կարգավիճակ չունի։ Գոռ Աբրահամյանի փոխանցմամբ՝ ակտիվ քննություն է կատարվում, որի շրջանակում շուրջ երկու տասնյակ անձ է հարցաքննվել, բազմաթիվ փաստաթղթեր են առգրավվել։