Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Հովեր» երգչախմբի այս տարվա առաջին համերգը՝ հունվարի 31-ին

«Հովեր» երգչախմբի այս տարվա առաջին համերգը՝ հունվարի 31-ին
470
Հինգշաբթի, 26 հունվարի, 2023 թ., 03:12

«Հովեր» պետական կամերային երգչախմբի՝ այս տարվա առաջին համերգը տեղի կունենա հունվարի 31-ին Կոմիտասի անվան կամերային երաժշտության տանը։

«Ձմեռային» համերգի ծրագրում Ներսես Շնորհալու, Կոմիտասի, Էդվարդ Միրզոյանի, Վաչե Շարաֆյանի, Քշիշտոֆ Պենդերեցկու, Էյնոյուհանի Ռաուտավարայի, Վոլֆրամ Բուխենբերգի եւ Բրայն Մոլսի ստեղծագործություններն են (խմբավարներ՝ Սոնա Հովհաննիսյան, Նարինե Ոսկանյան)։

Երգչախմբի՝ 2023 թվականի համերգաշրջանի համար գեղագիր Ռուբեն Մալայանը ստեղծել է «Հովեր» անվան գրության նոր տարբերակ, որն էլ ամրագրվել է տարվա առաջին համերգային ազդագրում (ազդագրի լուսանկարի հեղինակ՝ Շահանե Աղաքարյան, ձեւավորումը՝ Ռուբեն Խաչատրյանի)։