«Ռուսաստանն այսօր կարող է նոր զանգվածային հրթիռակոծություն իրականացնել». Նատալյա Գումենյուկ

Ռուսաստանը կարող է նոր զանգվածային հրթիռային հարձակում իրականացնել այսօր՝ հունվարի 26-ին. ուկրաինացիներին հորդորել են չանտեսել տագնապի ազդանշանները և տեղափոխվել ապաստարաններ, փոխանցում է Униан-ը: Ուկրաինայի զինված ուժերի ցամաքային ուժերի «Հարավ» օպերատիվ հրամանատարության ներկայացուցիչ Նատալյա Գումենյուկը հայտարարել է, որ «ականատես են Կասպից ծովի ուղղությամբ թշնամու ռազմավարական ավիացիայի ակտիվությանը»: Նրա խոսքով՝ Սև ծովում ևս կան հրթիռակիրներ՝ «Կալիբր» տեսակի 20 հրթիռներով: