Մարգարայի կամրջից նմուշառում է արվել. ե՞րբ կբացվի հայ-թուրքական սահմանը. «Ժողովուրդ»
![]() 854 Հինգշաբթի, 02 փետրվարի, 2023 թ., 09:36 «Ժողովուրդ» օրաթերթը գրում է. «Հայաստանի և Թուրքիայի ներկայացուցիչներից կազմված աշխատանքային խմբերը 2022 թվականի դեկտեմբերին հանդիպել են Արարատի մարզում՝ հայ-թուրքական սահմանի մոտ: Տեղեկացանք, որ իրականացվել է նաև Մարգարայի կամուրջի նմուշառում: Տեղեկացանք նաև, որ աշխատանքային խմբի անդամները դեկտեմբերին երկու հանդիպում են ունեցել ավելի վաղ ձեռք բերված պայմանավորվածություններն իրականացնելու համար: Խոսքը, մասնավորապես, 2022 թվականի հուլիսի 1-ին Թուրքիայի ներկայացուցիչ Սերդար Քըլըչի ու Հայաստանի ներկայացուցիչ Ռուբեն Ռուբինյանի հանդիպման ժամանակ ձեռք բերված պայմանավորվածությունների մասին է: Այդ հանդիպման ժամանակ որոշվել էր հնարավոր ամենասեղմ ժամկետներում Հայաստան-Թուրքիա ցամաքային սահմանը հատելու հնարավորություն ապահովել Հայաստան և Թուրքիա այցելող երրորդ երկրների քաղաքացիների համար: Պայմանավորվել են նաև հնարավոր ամենասեղմ ժամկետներում մեկնարկել Հայաստան-Թուրքիա ուղիղ օդային բեռնափոխադրումների իրականացումը: Ինչպես գրել էինք, չնայած հունվարի 1-ից այդ արգելքը վերացվել է, սակայն, ինչպես հայտնել էին ՀՀ էկոնոմիկայի նախարարությունից, դեռ գործընթացը չի մեկնարկել: Գրավոր հարցում էինք ուղարկել ՀՀ արտաքին գործերի նախարարություն՝ խնդրելով հայտնել, թե ինչ աշխատանքներ են իրականացվել դեկտեմբեր ամսին, և ինչ փուլում է գտնվում հայ-թուրքական սահմանի բացման գործընթացը: Ի պատասխան մեր հարցմանը՝ ՀՀ ԱԳՆ լրատվության և դիվանագիտության վարչությունից պատասխանել են. «ՀՀ-ի եւ Թուրքիայի միջև աշխատանքային խմբերի մակարդակով տեղի է ունենում հուլիսի 1-ի հանդիպումների արդյունքում ձեռք բերված պայմանավորվածությունների կյանքի կոչման գործընթաց: Այդ համատեքստում իրականացվել է նաև Մարգարայի կամրջի նմուշառում»: Մանրամասները՝ թերթի համարում: |
«Սա ևս մեկ անգամ բոլորին ի գիտություն, որ նիկոլի դեմ միայն պետք է պայքարել». Հռիփսիմե Առաքելյան
12100:06«Ընդամենը մեկ դատական նիստին ներկա չի եղել, այն էլ մեծ հարցական է՝ ծանուցված եղե՞լ է, թե՞ ոչ». Զարուհի Փոստանջյան
68Երեկ, 23:42«Կարապետյանը սոցիալական պատասխանատվություն է վերցնում իր վրա». Արթուր Գևորգյան
123Երեկ, 23:30«Պարգև Սրբազանն արձագանքեց մեր խնդրանքին». Շպռոտ (տեսանյութ)
135Երեկ, 22:48Թայվանի զինվորականները քաղաքային մարտի վարժանքներ են սկսել՝ չինական ներխուժմանը նախապատրաստվելու համար (տեսանյութ)
158Երեկ, 21:16Սլովակիան կրկին խափանեց Ռուսաստանի դեմ նոր պատժամիջոցները
189Երեկ, 20:52«Այսպիսի մարդկանց պետք է երեխաներին մոտիկ չթողնել». Հովսեփ Կուբատյան (տեսանյութ)
236Երեկ, 20:24«Տեղատարափ՝ Վանաձորում». Գագիկ Սուրենյան
193Երեկ, 19:42