TikTok-ն արգելափակել է ավելի քան 1500 ռուսական բոտերից բաղկացած ցանցը

TikTok-ն արգելափակել է ավելի քան 1500 ռուսական բոտերից բաղկացած ցանցը, որոնք ԵՄ-ում քարոզչություն են տարածում Ուկրաինայի պատերազմի մասին։
Չինական ընկերությունն արգելափակել է Ուկրաինայում ռուսական լայնածավալ ագրեսիայի սկզբից ի վեր ռուսական բոտերի ամենամեծ ցանցը, որն օգտագործվում էր եվրոպացիների շրջանում քարոզչության համար, գրում է Bloomberg-ը՝ վկայակոչելով Եվրոմիության համար ընկերության զեկույցը։

Ռուսաստանում ստեղծված բոտերը, ըստ զեկույցի, քողարկվել են որպես եվրոպացի օգտատերեր և հրապարակել բովանդակություն Ուկրաինայի պատերազմի թեմայով գերմաներեն, անգլերեն և իտալերեն. դրա համար նրանք օգտագործել են խոսքի սինթեզի ծրագրեր: Հրապարակումները խթանում էին ռուսամետ դիրքորոշումը։ Ընդհանուր առմամբ, ընկերությունն արգելափակել է 1686 նման հաշիվ։ Ցանցը, ինչպես ընդգծվում է զեկույցում, գործել է 2022 թվականի հուլիս-սեպտեմբեր ամիսներին։ Այս հաշիվներն ունեին ավելի քան 133,000 հետևորդ: Բացի այդ, TikTok-ը սահմանափակել է Վրաստանի 18 հաշիվների մուտքը, որոնք «ներկայացվում են որպես լրատվական գործակալություններ», որոնք տեղեկատվություն են տարածում ի պաշտպանություն Ուկրաինայի պատերազմի: Հաշիվները կենտրոնացած էին Ղազախստանի, Բելառուսի և Ուկրաինայի ռուսալեզու լսարանի վրա: