Ուրբաթ, 19 հունիսի, 2026 թ.
|
Ստեփանակերտում`   +26 °C

Լուկաշենկոն հայտարարել է Իրան հնարավոր այցի մասին

Լուկաշենկոն հայտարարել է Իրան հնարավոր այցի մասին
828
Կիրակի, 12 փետրվարի, 2023 թ., 23:36

Բելառուսի նախագահ Ալեքսանդր Լուկաշենկոն իր անունից և բելառուս ժողովրդի անունից շնորհավորել է իր իրանցի գործընկեր Էբրահիմ Ռաիսիին՝ Իրանում Իսլամական հեղափոխության հաղթանակի 44-րդ տարեդարձի կապակցությամբ։

Իր շնորհավորանքում Բելառուսի ղեկավարը նշել է, որ Իրանը շատ կարևոր դեր է խաղում աշխարհում և ցուցադրում է տնտեսական զարգացման դինամիկան, ինչպես նաև բարգավաճման աճը։

Բելառուսը բոլոր ժամանակներում մոտ է եղել Իրանին, հավատարիմ է մնացել բարեկամությանը և հավասար երկխոսությանը և պատասխանատու է ձեռք բերված պայմանավորվածությունների կատարման համար, նշել է Լուկաշենկոն։

«Անհամբեր սպասում եմ մոտ ապագայում Թեհրան այցելությանը, որի ընթացքում կքննարկենք երկկողմ, տարածաշրջանային և միջազգային օրակարգի արդիական հարցերը»,- ասել է Բելառուսի նախագահը։