Հրդեհից զոհված զինծառայողների հարազատները պահանջում են հանդիպում վարչապետի հետ

Ազատ գյուղի զինվորական կացարանում հրդեհից զոհված զինծառայողների ծնողները Կառավարության շենքի մոտ են, պահանջում են հանդիպում ՀՀ վարչապետի հետ: «Ծնողները ներկայացնելու են իրենց անվստահությունը, կասկածանքները, վարույթն իրականացնող մարմնի կողմից պաշտոնական վարկածի վերաբերյալ հանրության մոտ առկա տրամադրությունները և, ի վերջո, իրենց որդիների մահվան հանգամանքների վերաբերյալ ուզում են պատշաճ, սպառիչ տեղեկատվություն»,- լրագրողների հետ զրույցում ասաց փաստաբան Նորայր Նորիկյանը: