Լրանում է Ռուսաստանի՝ Ուկրաինա ներխուժելու մեկ տարին

Այսօր՝ փետրվարի 24-ին լրանում է Ուկրաինայի դեմ ռուսական լայնածավալ ագրեսիայի մեկ տարին: «2022 թվականի այս օրը՝ առավոտյան ժամը 04:00-ից սկսած, Ռուսաստանը հրթիռային առաջին հարվածները հասցրեց Ուկրաինային, և ռուսական զորքերի առաջին շարասյուները հատեցին սահմանը: Մոսկվան այն անվանեց «հատուկ ռազմական գործողություն»»,- գրում է BBC-ն:

Ռուս-ուկրաինական պատերազմից մեկ տարի անց կրակոցների ինտենսիվությունը չի նվազել: Երեկ ՄԱԿ-ի Գլխավոր ասամբլեան արտահերթ նիստում բանաձև ընդունեց՝ Ռուսաստանին կոչ անելով դադարեցնել ռազմական գործողությունները Ուկրաինայում և դուրս հանել իր զորքերը։