«Ալիևն աշխատում է Էրդողանի հաղթանակի համար, այլապես նրա համար ամեն ինչ վատ կլինի». Ռոբերտ Ուստյան

Իլհամ Ալիևը հասկանում է, որ ինքը «ի նշան երախտագիտության իր մեծ եղբորը» պարտավոր է անել ամեն ինչ, որպեսզի Ռեջեփ Էրդողանը վերընտրվի Թուրքիայի նախագահի պաշտոնում։ Նման կարծիք է հայտնել Թուրքիայի ներքին և արտաքին քաղաքականության փորձագետ Ռոբերտ Ուստյանը։

RUSARMINFO-ի եթերում Ուստյանն ասել է, որ Ադրբեջանը Թուրքիայում ընկալվում է որպես կրտսեր եղբայր, և, ըստ Անկարայի դիրքորոշման, կրտսեր եղբայրը փորձանքի չբախվելու համար պետք է ամեն կերպ օգնի իր ավագ եղբորը՝ Թուրքիային: Ռոբերտ Ուստյանը նշել է, որ Ալիևի քաղաքականությունը մայիսի 14-ին Թուրքիայում նախատեսված ընտրություններից առաջ պետք է իրականացվի թուրքական ներկայիս իշխանության շահերին համապատասխան։

Ինչպես ավելի վաղ հայտնել էին, Ադրբեջանի նախագահ Իլհամ Ալիևն աշխատանքային այցով մեկնել է Թուրքիա: