Apple-ը վճարել է 906 միլիոն ռուբլու տուգանքը

Apple-ը վճարել է հակամենաշնորհային տուգանքը «Կասպերսկու լաբորատորիայի» հետ կապված գործով բջջային հավելվածների շուկայում գերիշխող դիրքի չարաշահման համար: Գումարը կազմել է 906 միլիոն ռուբլի։ Միջոցներն արդեն փոխանցվել են պետբյուջե։

Տեղեկությունը հաստատել է Ռուսաստանի Դաշնային հակամենաշնորհային ծառայությունը (FAS): Սահմանված ժամկետում տուգանքը չվճարելու դեպքում Apple-ին սպառնացել են կրկնապատկել այն, ասել է գործին ծանոթ աղբյուրը։

Այսօր Ռուսաստանում Apple-ը ներկայացնում է իր դուստր ձեռնարկությունը՝ Apple Rus LLC: Անցյալ ամսվա վերջին Ալեքսանդր Կոտիլևսկին դարձավ նրա նոր գլխավոր տնօրենը։ Նախկինում այս պաշտոնը զբաղեցնում էր Վիտալի Մորոզկոն։