«Իշխանությանը ճիշտ չի փոխանցվել մեր պահանջը». ՊՆ նախկին շենքի բնակիչ

«Ոնց հասկացա՝ օղակները լավ չեն աշխատել, իշխանությանը ճիշտ չի մատուցվել մեր պահանջը: Ակնկալում ենք, որ կկապնվեն մեզ հետ ու մանրամասն քննարկումներ կլինեն: Ինչ վերաբերում է հետագա քայլերին՝ նստացույցը շարունակվելու է»,- այս մասին լրագրողների հետ զրույցում ասել է ՊՆ նախկին շենքի բնակիչներից մեկը, ով մասնակցում է Կառավարության շենքի դիմաց իրականացվող բողոքի ակցիային:

Հիշեցնենք՝ արդեն երկու շաբաթ է՝ ՀՀ ՊՆ նախկին շենքի բնակիչները, որոնց մեջ են անչափահաս երեխաներ, ծերեր, կանայք, գործող և նախկին զինվորականներ, Արցախյան պատերազմի մասնակիցներ, ձմռան ցրտին բնակվում են վրանային պայմաններում։

Ավելի վաղ հայտնել էինք, որ Կառավարության որոշմամբ ՊՆ նախկին շենքն ամրակցվել է ՊԵԿ-ին: