Պուտինի ելույթի ժամանակ ականջներին լապշա կախած պատգամավորը կկանգնի դատարանի առջև

Ռուսաստանի Դաշնության Սամարայի նահանգային դումայի՝ Կոմունիստական ​​կուսակցությունից պատգամավոր Միխայիլ Աբդալկինի առնչությամբ կազմվել է վարչական արձանագրություն՝ Ռուսաստանի Դաշնության Զինված ուժերը վարկաբեկելու համար։ Նյութերը ներկայացվել են Նովոկույբիշևսկ քաղաքի դատարան։ Արձանագրությունը կքննարկվի մարտի 7-ին, հայտնում է Коммерсант-ը։
ՌԴ նախագահ Վլադիմիր Պուտինի՝ ՌԴ խորհրդարանում ելույթի օրը Աբդալկինը սոցցանցերում տեսանյութ է հրապարակել, որում ելույթի հեռարձակումը դիտում է ականջներին լապշա կախած։ Հինգշաբթի օրը կոմունիստն ասաց, որ գործը բացվել է «հենց տեսանյութի համար»։ «Պայքարելու ենք, ապացուցելու ենք մեր անմեղությունը»,- խոստացել է նա սոցցանցերի իր էջում։

Ավելի վաղ Սամարայի նահանգային դուման Աբդալկինին «հրապարակային պարսավանք» էր հայտարարել։ Պատգամավորները միաձայն առաջարկել են ՌԴ Կոմկուսի շրջանային կոմիտեին՝ հեռացնել նրան կուսակցությունից, ինչպես նաև դիմել են իրավապահ մարմիններին և դատախազությանը՝ իրավիճակին իրավական գնահատական ​​տալու խնդրանքով։