16+ ցուցահանդեսի բացում Ազգային պարկերասրահում․ «Մերկի հանդերձները»

Հայաստանի Ազգային Պատկերասրահի ֆեյսբուքյան պաշտոնական էջը հայտարարել է այն մասին, որ մարտի 4-ից պատկերասրահում կբացվի յուրահատուկ մի ցուցահանդես, որը կարող են դիտել միայն 16 տարին լրացած անձինք։ «Մերկի հանդերձները․ մերկության ընկալումները հայկական գրաֆիկայում» խորագիրը կրող ցուցահանդեսը ընդգրկելու է ավելի քան 100 գրաֆիկական աշխատանք, որտեղ ներկայացված են լինելու 100 «մերկեր»։ Շուրջ 60 արվեստագետների ճեպանկարներ, էսքիզներ, գրաֆիկական շարքերի թերթեր և նկարազարդումներ անդրադառնում են մերկության դրսևորումներին հայկական գեղանկարչության մեջ։
Ինչպես նշում են ցուցահանդեսի համադրողները, ի հակադրություն ընդունված կարծիքների, մերկը մշտապես առկա է եղել հայ արվեստում՝ 1840 ականներին հայկական ակադեմիական նկարչության սկզբնավորումից մինչ մեր օրեր։ Ցուցահանդեսն ուրվագծում է այդ պատմությունը՝ մատնանշելով այն հիմնական թեմատիկ և տեսական հետարքրքությունները, որոնք գրավել են այդ ընթացքում Հայաստանում և Սփյուռքում գործող արվեստագետներին։