Թուրքիայում երկրաշարժի զոհերի թիվը մոտենում է 46 հազարին

Թուրքիայում տեղի ունեցած երկրաշարժերի հետևանքով զոհվել է 45 968 մարդ, որից 4 267-ը՝ սիրիացի, հայտարարել է Թուրքիայի ներքին գործերի նախարար Սուլեյման Սոյլուն։ Այս մասին հաղորդում է РБК-ն:

Տարհանվել է 2 141 000 մարդ։ Ավելի վաղ հաղորդվում էր 45089 զոհերի մասին։

Սոյլուի տվյալներով՝ գրանցվել է 13 072 հետցնցում։ 26 032 շինություններից 25%-ն ամբողջությամբ ավերվել է, 75%-ը ենթակա է քանդման։ Որոնողափրկարարական աշխատանքները շարունակվում են: