«Կարող եմ ենթադրել, որ Անդրեասյանն ընկերոջը խնդրել է՝ իմ նկատմամբ կարգապահական վարույթ հարուցել». Զ. Նախշքարյան

«Ես՝ որպես դատավոր, կարող եմ ենթադրել, որ ԲԴԽ նախագահ Կարեն Անդրեասյանն իր ընկերոջը՝ Արդարադատության նախարար Գրիգոր Մինասյանին խնդրել է, որպեսզի հետամուտ լինի իմ նկատմամբ կարգապահական վարույթ հարուցելու հարցում»,- լրագրողների հետ հանդիպմանն ասել է Զարուհի Նախշքարյանը, որի՝ որպես դատավորի լիազորությունները վերջերս դադարեցվել են Բարձրագույն դատական խորհրդի որոշմամբ:

Հարցին, թե ինչի վրա է հենվում նման կարծիք կազմելու համար, Նախշքարյանն ասել է. «Ես այս պահին հենվում եմ պարոն Անդրեասյանի կողմից հայտարարված փաստերի վրա: Այսինքն՝ կարող եմ մտածել, որ խնդիր էր դրված՝ դատավոր Նախշքարյանի լիազորությունները դադարեցնել, քանի որ մինչ այդ պարոն Անդրեասյանը ձևավորել էր կանխակալ, բացասական կարծիք՝ անձամբ իմ հանդեպ»: