Երկուշաբթի, 06 մայիսի, 2024 թ.
|
Ստեփանակերտում`   +10 °C

Արցախի պետնախարարին կանչել են պարզաբանումներ տալու. «Հրապարակ»

Արցախի պետնախարարին կանչել են պարզաբանումներ տալու. «Հրապարակ»
751
Ուրբաթ, 10 մարտի, 2023 թ., 09:30

«Հրապարակ»-ը գրում է. «Արցախի ԱԺ բոլոր խմբակցությունները մարտի 8-ին Արցախի պետնախարար Գուրգեն Ներսիսյանին հրավիրել էին խորհրդարան՝ իր արտահայտությունների համար բացատրություններ տալու։ Պետնախարարը մասնավորապես ասել էր․ «Ես որևէ կերպ չեմ պատկերացնում, որ երևանյան և ստեփանակերտյան դիրքորոշումների միջև կարող են տարբերություններ լինել, հակառակը՝ Երևանը, երբ հարցը վերաբերում է արցախյան խնդրին, առավելապես հենվում է արցախյան իշխանությունների դիրքորոշման և կարծիքի վրա, որն ամբողջությամբ արտացոլում է Արցախի ժողովրդի նպատակները»։

Ավելի ուշ պետնախարարն իր աշխատակազմի, տեղեկատվության բաժնի միջոցով խմբագրել էր ինքն իրեն՝ նշելով, որ իր ձևակերպումը «ոչ միանշանակ է ընկալվել, կամ փորձ է արվել այն այդպիսին ներկայացնել»։

Սակայն պատգամավորները սպասում են նրա այցին՝ հասկանալու համար, թե պետնախարարն ունի՞ նման համոզվածություն, թե՞ մտքերը լավ չի ձևակերպել։ ԱՀ օրենսդիրները կարծում են, որ Ներսիսյանի արտահայտությունները հակասում են Արցախի հարցի վերաբերյալ մինչ օրս պետական մակարդակով և ԱԺ-ի կողմից արված հայտարարություններին ու սահմանած «կարմիր գծերին»՝ ինքնորոշման իրավունքի վերաբերյալ»:

Մանրամասները՝ թերթի համարում:

Կարդացե՛ք նաև