Ուրբաթ, 30 հոկտեմբերի, 2026 թ.
|
Ստեփանակերտում`   +9 °C

Ուիլ Սմիթը «Just the Two of Us» հիթը կատարել է հայ բաս-կիթառահար 10-ամյա Էլեն Ալավերդյանի հետ

Ուիլ Սմիթը «Just the Two of Us» հիթը կատարել է հայ բաս-կիթառահար 10-ամյա Էլեն Ալավերդյանի հետ
574
Ուրբաթ, 10 մարտի, 2023 թ., 20:00

Ուիլ Սմիթն «Ինստագրամ»-ի իր էջում տեսանյութ է հրապարակել, որում 1997-ին թողարկված «Just the Two of Us» հիթը կատարում է հայ բաս-կիթառահար Էլեն Ալավերդյանի նվագակցությամբ:

«Ուաո՜ւ, Էլեն, ֆանտաստիկ է: Դու հրաշալի ես»,- տեսանյութին կից գրել է Սմիթը:

«Ուիլ Սմիթ, շնորհակալ եմ այս հրաշքի համար»,- արձագանքել է Էլենը՝ հոլիվուդյան աստղի հետ տեսանյութը հրապարակելով իր էջում:

Էլենն ավելի վաղ՝ հունվար ամսին, տեսանյութ էր տեղադրել, որտեղ կիթառով կատարում էր Սմիթի «Just the Two of Us» հիթը:

Էլեն Ալավերդյանը երաժշտական ընտանիքից է: Նրա պապիկը «Ակունք» ազգագրական համույթի գեղարվեստական ղեկավար, երգիչ Սարգիս Ալավերդյանն է, հայրը՝ Հովակը, կիթառահար է:
10-ամյա Էլենն ընտանիքի հետ բնակվում է Լաս Վեգասում: Աղջիկը տարբեր փորձարկումների արդյունքում է գտել իր գործիքը: Նախ նվագել է դաշնամուր, ուկուլելե, կիթառ ու թմբուկ:

Նրա երաժշտական ճաշակի ձևավորման վրա մեծապես ազդել է հայրը, ոգեշնչել են նաև լեգենդար բասիստ Բութսի Քոլինզը, ջազի աստղ Ռիչարդ Բոնան եւ Վիկտոր Վուտենը: