Ռուսական կողմը գնահատել է ուկրաինական կողմի կորուստները Արտեմովսկում

Ուկրաինական զորքերի կորուստներն Արտեմովսկի տարածքում հասնում են հազարների, ասել է «Վագներ» խմբի հիմնադիր Եվգենի Պրիգոժինը, գրում է РИА-ն։
«Պաշտպանության նախարարության հաշվարկներով՝ ամսական մոտ 10-11 հազար մարդ. սրանքˋ սպանվածները»,- ասել է նա։
Ընդ որում, Պրիգոժինը չի գնահատել ռազմական տեխնիկայի կորուստները՝ վկայակոչելով այս տվյալների գաղտնիությունը։ Միաժամանակ Վագների հիմնադիրը հերքել է Արտեմովսկի և Սոլեդարի հանքերում իբր հայտնաբերված միլիոնավոր զենքերի մասին լուրերը։ «Սա լեգենդ է, նախ՝ բոլոր հանքերն ականապատված են, երկրորդ՝ հանքերում հսկայական թվով սենյակներ կան, և մի ժամանակ երևի այնտեղ մեծ քանակությամբ զենքեր են պահվել, գուցե նույնիսկ նախահեղափոխական շրջանում։ Բայց այն, ինչ մենք այսօր գտնում ենք, Maxim գնդացիրներ են, TT ատրճանակներ, դրանք արդեն քիչ են կիրառում»,- ասել է նա:
Արտեմովսկը գտնվում է Դոնեցկիˋ Կիևի կողմից վերահսկվող մասում՝ Գորլովկա մեծ քաղաքից հյուսիս։ Սա կարևոր տրանսպորտային հանգույց է Դոնբասում ուկրաինական զորքերի խմբին մատակարարելու համար։ Քաղաքի համար կատաղի մարտեր են ընթանում։
Վերջին տեղեկությունների համաձայն՝ ռուսական ուժերը կտրել կամ կրակի տակ են վերցրել Արտեմովսկ տանող բոլոր ասֆալտապատ ճանապարհները, իսկ սկսված տեղումները լրջորեն բարդացնում են ուկրաինական զորքերին զինամթերքի և անձնակազմի առաքումը։