TikTok-ի ղեկավարությունը բանակցություններ է սկսել սոցցանցի հնարավոր վաճառքի շուրջ

TikTok-ը բանակցություններ է վարում պոտենցիալ գնորդների հետ՝ ամերիկացի պաշտոնյաների՝ հավելվածն ԱՄՆ-ում արգելելու հայտարարությունների ֆոնին, այս մասին հայտնում է New York Post-ը՝ հղում կատարելով իր աղբյուրներին։ Չի հստակեցվում, թե կոնկրետ ում հետ է բանակցում սոցցանցի ղեկավարությունը: Նշվում է, որ TikTok-ը դեռ տարիներ առաջ էր քննարկում այս հարցը, երբ այն ժամանակվա նախագահ Դոնալդ Թրամփը սպառնացել էր արգելել հավելվածը: Բանակցություններն այժմ նոր թափ են ստացել։