«ՀԱՊԿ գլխավոր քարտուղարին ներկայացրել եմ հայ-ադրբեջանական սահմանին տիրող իրավիճակը». Արմեն Գրիգորյան

786

Ուրբաթ, 17 մարտի, 2023 թ., 14:00

ՀՀ ԱԽ քարտուղար Արմեն Գրիգորյանը ֆեյսբուքյան էջում հայտնում է. «Մարտի 17-ին ընդունել եմ ՀԱՊԿ գլխավոր քարտուղար Իմանգալի Տասմագամբետովին և շնորհավորել նոր պաշտոնում նշանակվելու կապակցությամբ:
Հանդիպմանը քննարկել ենք ՀԱՊԿ պատասխանատվության գոտում ստեղծված իրավիճակը: ՀԱՊԿ գլխավոր քարտուղարը զեկուցել է Տաջիկստանի և Ղրղզստանի միջև սահմանազատման վերաբերյալ իրավիճակը:
Զրուցակցիս եմ ներկայացրել հայ-ադրբեջանական սահմանին տիրող իրավիճակը: Անդրադարձել ենք նաև Ադրբեջանի նախագահի նախօրեին արված հայտարարությանը՝ նշելով, որ դա հակասում է Պրահայի և Սոչիի հայտարարություններին»:

Աղբյուրը` Արմեն Գրիգորյան