«Եվրոտեսիլի ամենաքաղաքական երգը՝ ընդդեմ Պուտինի». Արման Ղարիբյան

1839

Շաբաթ, 25 մարտի, 2023 թ., 16:30

«Իրավունքի ուժը» ՀԿ համահիմնադիր Արման Ղարիբյանը ֆեյսբուքյան իր էջում տեսանյութ է տարածել՝ գրելով. «Եվրոտեսիլի ամենաքաղաքական երգը Չեխիան է ներկայացնում՝ ընդդեմ Պուտինի։ Թեև փորձել են սիմվոլներով ներկայացնել, սակայն ակնհայտ է, որ երգն ի աջակցություն Ուկրաինայի է (ում Չեխիան անվանում է «Իմ քույր») և ընդդեմ Պուտինի։
Երգում են. «Իմ քույրն անկյուն չի կանգնի, քեզ չի ենթարկվի, ձեռքերդ հետ տար, ոչ ոք չի ուզում ավելի շատ տղաների մահ, դու չես կարող գողանալ մեր հոգիները, արյունը քո աստծո գլխում է։ Իմ քույրն իր իսկ թագուհին է, համարձակ է ու ուժեղ, քրոջս թագը մի հանիր, ոչ ոք իրավունք չունի դա անելու»։
Տեսահոլովակում էլ բազմաթիվ սիմվոլներ կան, որոնք ինձ համար շատ հասկանալի չեն, բայց հիմնական ասելիքը երկուսն է։ 1) Ընտրեք սերն ընդդեմ ուժի, 2) Քույր (Ուկրաինա), մենք քեզ հետ ենք»: