Շառլ Միշելը տեղեկացրել է Նիկոլ Փաշինյանի և Իլհամ Ալիևի հետ հեռախոսազրույցների մասին

282

Շաբաթ, 25 մարտի, 2023 թ., 18:42

Եվրոպական խորհրդի նախագահ Շառլ Միշելը Twitter-ի իր միկրոբլոգում տեղեկացրել է, որ հեռախոսազրույցներ է ունեցել Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ:

«Քննարկել ենք վերջին շրջանի իրավիճակը տեղում: Ընդգծել եմ Եվրոմիության պատրաստակամությունը՝ աջակցելու երկու երկրների հարաբերությունների կարգավորման գործընթացի առաջմղմանը, ինչպես նաև տարածաշրջանում խաղաղության և կայունության հաստատմանը»,- գրել է Միշելը: