Իրաքը շահեց Թուրքիայի դեմ տարիներ տևած դատը

Բաղդադը հաղթեց Անկարայի նկատմամբ Փարիզի Առևտրի միջազգային պալատի Միջազգային արբիտրաժային դատարանում Իրաքյան Քրդստանի ինքնավար շրջանից նավթի արտահանման վերաբերյալ երկարաժամկետ դատական գործընթացը։ Այս մասին հայտնում է Asharq հեռուստաալիքը՝ Իրաքի նավթարդյունաբերության ներկայացուցչին հղումով։

«Թուրքիան պաշտոնապես տեղեկացրել է Իրաքին, որ հարգելու է իրավարար վճիռը, որը կայացվել է Իրաքյան Քրդստանից նավթի արտահանման կապակցությամբ»,- ասել է աղբյուրը։

Նրա խոսքով, Թուրքիան թույլ չի տա Իրաքյան Քրդստանի նավթի արտահանումը թուրքական ծովափնյա Ջեյհան նավահանգստից՝ առանց Բաղդադի կառավարության հավանության։

Գործը քննվում էր գրեթե 9 տարի՝ սկսած 2014թ.: Բաղդադը հայց է ներկայացրել այն բանից հետո, երբ թուրքական պետական ​​նավթագազային BOTAS ընկերությունը սկսեց Իրաքյան Քրդստանից առաքված նավթը համաշխարհային շուկա արտահանել առանց Իրաքի կառավարության պաշտոնական թույլտվության և համաձայնության։