Հյուսիսային Կորեան բալիստիկ հրթիռներ է արձակել

Հյուսիսային Կորեան երկու բալիստիկ հրթիռ է արձակել Ճապոնական ծովի ուղղությամբ, այս մասին հայտնում է Yonhap գործակալությունը:

Ճապոնիայի պաշտպանության նախարարությունն արձագանքել է՝ հայտնելով, որ հրթիռների թռիչքի բարձրությունը եղել է մինչև 50 կմ, հեռահարությունը՝ 350 կմ։ Դրանք ընկել են Ճապոնիայի բացառիկ տնտեսական գոտուց դուրս։ Ճապոնիայի ՊՆ-ը նաև իր բողոքն է արտահայտել՝ արձակված բալիստիկ հրթիռների դեմ: