Փարիզի բնակիչները քվեարկել են էլեկտրական սկուտերների վարձույթն արգելելու օգտին

Փարիզի քաղաքապետ Անն Իդալգոյի կողմից կիրակի օրը կազմակերպված հանրաքվեին մասնակցած փարիզցիների 89%-ը դեմ է քվեարկել էլեկտրական սկուտերների վարձակալությանը։ Այժմ նման ծառայություններ առաջարկող երեք ընկերություններն ստիպված կլինեն իրենց բիզնեսները Փարիզից տեղափոխել այլ քաղաքներ։ Ընդհանուր առմամբ, նրանք միասին շահագործում էեն15000 էլեկտրական սկուտերներ:

Ավելի վաղ Ֆրանսիայի մայրաքաղաքում էլեկտրական սկուտերների առավելագույն արագությունն արդեն սահմանափակվել էր 10 կմ/ժ-ով, և դրանց օգտատերերից պահանջվում էր օգտվել հատուկ կայանատեղիներից։

Փարիզի իշխանությունները հորդորում են քայլեր ձեռնարկել ավտոմնոբիլներից հրաժարվելու ուղղությամբ: Այնուամենայնիվ, ուսումնասիրությունները ցույց են տվել, որ քաղաքի բնակիչները հիմնականում օգտագործում են էլեկտրական սկուտեր՝ քայլելու կամ հասարակական տրանսպորտից օգտվելու փոխարեն:

Միևնույն ժամանակ, սկուտերների պարկ ունեցող Dott, Lime և Tier ընկերությունները պնդում են, որ քվեարկության արդյունքների վրա ազդել է ցածր մասնակցությունը: Մասնակցել է ընդամենը 103084 մարդ, ինչը կազմում է գրանցված փարիզաբնակ ընտրողների մոտ 7,5%-ը։

Միևնույն ժամանակ, քվեարկությունը պարտադիր ուժ չունի, ուստի Իդալգոն կարող է այն հաշվի չառնել վերջնական որոշում կայացնելիս։ Ամեն դեպքում, դա չի ազդի մասնավոր էլեկտրական սկուտերների, ինչպես նաև էլեկտրական հեծանիվների տերերի վրա։

Ըստ Լայմի, Փարիզում գտնվող իր պարկի 90%-ն օգտագործվում է ամեն օր։ 2021 թվականին ավելի քան 1,2 միլիոն մարդ, որոնց 85%-ը՝ Փարիզի բնակիչներ, ընդհանուր առմամբ կատարել է 10 միլիոն ուղևորություն։