Լավրովը ժամանել է Անկարա. բանակցությունների թեման Սիրիան և Ուկրաինան են

Ռուսաստանի արտաքին գործերի նախարար Սերգեյ Լավրովը ժամանել է Թուրքիայի մայրաքաղաք, որտեղ բանակցություններ կվարի իշխանությունների հետ, հայտնում է RIA Novosti-ի թղթակիցը։
Այցի ընթացքում ապրիլի 6-7-ը ռուս նախարարը կհանդիպի իր թուրք գործընկեր Մևլութ Չավուշօղլուի հետ, ում հետ կքննարկեն երկկողմ համագործակցության, էներգետիկայի և զբոսաշրջության վիճակն ու հեռանկարները, ինչպես նաև տարածաշրջանային հարցեր, այդ թվում՝ Անդրկովկասում տիրող իրավիճակը, Հայաստանի և Թուրքիայի հարաբերությունների վերականգնումը և Մերձավոր Արևելքը: Նախարարները մտքեր կփոխանակեն նաև ուկրաինական ճգնաժամի իրավիճակի և դրա խաղաղ կարգավորման շուրջ, կքննարկեն հացահատիկի գործարքը, որը երկարաձգվել է մարտի կեսերին 60 օրով:
Նախարարների ուշադրության կենտրոնում կլինի նաև Մոսկվայում մեկնարկած սիրիա-թուրքական հարաբերությունների կարգավորումը: