Շաբաթ, 07 նոյեմբերի, 2026 թ.
|
Ստեփանակերտում`   +8 °C

Ստեփանակերտի Ս. Աստվածածին առաջնորդանիստ եկեղեցում Սուրբ Հարության Ճրագալույցի Պատարագ է մատուցվել

Ստեփանակերտի Ս. Աստվածածին առաջնորդանիստ եկեղեցում Սուրբ Հարության Ճրագալույցի Պատարագ է մատուցվել
228
Կիրակի, 09 ապրիլի, 2023 թ., 00:36

Այսօր՝ ապրիլի 8֊ին, Ստեփանակերտի Սուրբ Աստվածածին առաջնորդանիստ եկեղեցում՝ Տեր Մաթևոս քահանա Դրավանցի ձեռամբ Ճրագալույցի Սուրբ և Անմահ Պատարագ է մատուցվել։

«Արցախպրես»-ի թղթակցի հաղորդմամբ՝ կատարվել է նաև մեղքերի թողության կարգ։

Մեզ հետ զրույցում Հրայր սարկավագ Հակոբյանը նշում է, որ մեղքերի թողության ընդհանրական կարգը ե Սուրբ Գրիգոր Տաթևացու կողմից կազմված մեղաների շարքն է, որը կարդում են մինչ Սուրբ Պատարագի արարողությունը։

«Այս արարողակարգին պետք է մասնակցեն այն մարդիկ, ովքեր մկրտված են և պատրաստ են Սուրբ Հաղորդությանը։ Վերջում մեղքերի թողություն է տալիս հոգևորականը, որից հետո նրանք կարող են Հաղորդություն ստանալ»,-պարզաբանել է սարկավագը։

Ճրագալույցի Սուրբ Պատարագին եկեղեցական ավանդույթի համաձայն Խորանից իջեցրած ճրագից հավատացյալներն իրենց մոմերն են վառել և տարել տուն։ Հավատացյալները իրենց հետ բերել էին զատկական հավկիթներ, որոնք օրհնվեցին հավարտ Պատարագի։