Երկուշաբթի, 20 ապրիլի, 2026 թ.
|
Ստեփանակերտում`   +8 °C

Ուկրաինայի հակաօդային պաշտպանության ռեսուրսները կսպառվեն մեկուկես ամսից. #WashingtonPost

Ուկրաինայի հակաօդային պաշտպանության ռեսուրսները կսպառվեն մեկուկես ամսից. #WashingtonPost
623
Կիրակի, 09 ապրիլի, 2023 թ., 20:36

Ուկրաինական միջին հեռահարության հակաօդային պաշտպանության համակարգերն ամբողջությամբ կսպառվեն մինչև մայիսի 23-ը։ Այս մասին գրում է Washington Post-ը՝ վկայակոչելով Փենթագոնի գաղտնազերծված փաստաթղթերը։
«Մինչև մայիսի 23-ը լիովին կսպառվի պաշտպանության համար միջին հեռահարության հակաօդային պաշտպանություն ապահովելու հնարավորությունը։ Ըստ հաշվարկների, Ուկրաինան կդիմանա հարվածների ևս 2-3 ալիքների»,- ասվում է փաստաթղթերում։

Վերլուծությունն իրականացվել է փետրվարի վերջին-մարտի սկզբին։ Նշվում է, որ Կիևը գրեթե սպառել է մատակարարված արևմտյան զինամթերքը։ Հոդվածում նշվում է նաև, որ Ուկրաինայի հակաօդային պաշտպանության համակարգերը պետք է առաջնահերթ աշխատեն կործանիչների և ուղղաթիռների դեմ՝ հանուն խնայողության փորձելով չխոցել անօդաչու սարքերը։

Փենթագոնը նաև մտահոգված է հրետանու պաշարների կրճատմամբ։ Դրանք կարող են ավարտվել նույնիսկ ավելի շուտ, քան հակաօդային պաշտպանության ռեսուրսները, նշվում է փաստաթղթերում։