Երեքշաբթի, 21 ապրիլի, 2026 թ.
|
Ստեփանակերտում`   +8 °C

«Սարքած գործ ա. ասել են՝ բողոքի, բողոքել ա». «Հանրային ձայն» կուսակցության քաղխորհրդի անդամ

«Սարքած գործ ա. ասել են՝ բողոքի, բողոքել ա». «Հանրային ձայն» կուսակցության քաղխորհրդի անդամ
1419
Երեքշաբթի, 18 ապրիլի, 2023 թ., 10:42

Դատարանը քննում է «Հանրային ձայն» կուսակցության խորհրդի նախագահ Արտակ Գալստյանի կալանքի միջնորդությունը:

Հիշեցնենք՝ ՀՀ քննչական կոմիտեն երեկ հաղորդագրություն էր տարածել՝ հայտնելով առանձնապես խոշոր չափերով շորթում կատարելու դեպքերի բացահայտման մասին։ «Արհեստական շոու. կապված է քաղաքապետի մոտակա ընտրությունների հետ: Քանի որ Արտակ Գալստյանը բանիմաց է, թիմ ունի, Հանրային ձայնը մասնակցելու է, կարող եմ 99 տոկոսով ենթադրել, որ դրա հետ է կապված»,- անդրադառնալով Արտակ Գալստյանի ձերբակալությանը՝ ասել է կուսակցության քաղխորհրդի անդամ Սմբատ Մաթևոսյանը:

Դիտարկմանը՝ ՔԿ հաղորդագրության մեջ նշվում է, որ Գալստյանը հեռախոսակապ է հաստատել Տիգրան Արզաքանցյանի հետ և պահանջել 110.000 դոլար՝ հակառակ դեպքում նրա և նրա կնոջ վերաբերյալ Վարդան Ղուկասյանի կողմից վարվող «Հանրային ձայն» հաղորդաշարի ընթացքում կհրապարակվեն նրանց պատիվն ու արժանապատվությունը նվաստացնող, բարի համբավն արատավորող տեղեկություններ, Մաթևոսյանն ասել է. «Բազմաթիվ տեղերից էլ գալիս է ինֆորմացիա, որ Տիգրան Արզաքանցյանը մախինատոր է, մեծ փողերի մեջ ինչ-որ գործողությունների է մասնակից եղել, պարտքեր ունի: Լուրջ չեմ վերաբերվում ես իրեն, ասել են՝ բողոքի, բողոքել ա: Էդ մարդը պատրաստի ժերտվայի մատերիալ ա երևի, որ վերևներից... Վարչապետի հետ գնում ա, նստում ա, ասում ա՝ ես անասնաբույժմ եմ...»:

«Սարքած գործ ա. ասել են՝ բողոքի, բողոքել ա». «Հանրային ձայն» կուսակցության քաղխորհրդի անդամ