«Հայաստանը լիարժեք ճանաչում է Ադրբեջանի տարածքային ամբողջականությունը»․ Փաշինյան

Խոսելով խաղաղության պայմանագրի մասին՝ վարչապետ Նիկոլ Փաշինյանն ասել է, որ այն իրատեսական կդառնա, եթե երկու երկրները հստակ, առանց երկիմաստության միմյանց տարածքային ամբողջականությունը ճանաչեն ու պարտավորվեն միմյանց տարածքային պահանջներ չներկայացնել: «Ադրբեջանի նախագահի հետ այս մասին պայմանավորվել ենք 2022-ի հոկտեմբերի 6-ին՝ Պրահայում ու հոկտեմբերի 31-ին՝ Սոչիում, ինչն արձանագրվել է հրապարակային հայտարարություններով: Այսուհանդերձ, թե՛ Երևանից, թե՛ Բաքվից հնչում են հայտարարություններ, որոնցով դիմացի կողմը մեղադրվում է պայմանավորվածությունները չպահելու մեջ: Վերահաստատում եմ, որ ՀՀ-ը լիարժեք ճանաչում է Ադրբեջանի տարածքային ամբողջականությունը և ակնկալում ենք, որ Ադրբեջանը նույնը կանի՝ հայկական ԽՍՀ ամբողջ տարածքը ճանաչելով որպես Հայաստանի Հնարապետություն»,- ասել է վարչապետը: