Երեքշաբթի, 21 ապրիլի, 2026 թ.
|
Ստեփանակերտում`   +7 °C

Ռուսաստանը մետաղաջարդոնի կվերածի աշխարհի ամենամեծ միջուկային հածանավը

Ռուսաստանը մետաղաջարդոնի կվերածի աշխարհի ամենամեծ միջուկային հածանավը
953
Հինգշաբթի, 20 ապրիլի, 2023 թ., 21:00

Ռուսական Հյուսիսային նավատորմի դրոշակակիր «Պետրոս Մեծ» ատոմային ծանր հածանավը կվերածվի մետաղաջարդոնի, հայտնում է ՏԱՍՍ-ը՝ վկայակոչելով ռազմածովային ոլորտի աղբյուրին։

Աշխարհի՝ միջուկային շարժիչային համակարգով ամենամեծ ռազմանավը և միևնույն ժամանակ ռուսական նավատորմի միակ վերջրյա, միջուկային շարժիչային համակարգով նավը նախատեսվում է շահագործումից հանել, պնդում է գործակալության աղբյուրը։

25 տարի առաջ գործարկված հածանավը, որի անձնակազմը գերազանցում է 700 անձը, նախատեսվում էր ուղարկել արդիականացման։

Այնուամենայնիվ, «Ծովակալ Նախիմով» ծանր միջուկային հածանավի վերանորոգման փորձը ցույց է տվել, որ «դա շատ ծախսատար է», պարզաբանել է ՏԱՍՍ-ի աղբյուրը: Վերջինի վերանորոգման ավարտի ժամկետները բազմիցս փոխվել են, և այս պահին ծովակալ Նախիմովը մնում է Սևմաշի վերանորոգման գործարանի ծոցում։

Ավելի վաղ արդիականացման էին ուղարկվել Հյուսիսային նավատորմի մյուս հսկա սուզանավերը՝ «Սևերստալը», «Արխանգելսկ»-ը և «Դմիտրի Դոնսկոյ»-ը։