«Դաշնակցությունը ոչ թե ազգային է, այլ՝ գործակալական». Հակոբ Ասլանյան

ՔՊ-ական պատգամավոր Հակոբ Ասլանյանն ԱԺ իր ելույթում խոսել է ՀՅԴ-ի մասին: «Այդ կուսակցությունը հայտարարում է, որ ինքը 133 տարի գոյություն ունի՝ մոռանալով, որ 1923-ի նոյեմբերին ինքնալուծարման համագումարով ինքն իրեն լուծարել է ու մինչև 1991թ. պաշտոնապես գոյություն չի ունեցել, իսկ եթե որպես գործակալ գոյություն է ունեցել, դա արդեն ուրիշ բան»,- ասել է ՔՊ-ականը: «Այս կուսակցությունը խեղաթյուրել է մեր ամբողջ ազգային-ազատագրական պայքարը, ֆիդայական շարժումը: Ո՛չ Նժդեհը, ո՛չ Արամ Մանուկյանը, ո՛չ Անդրանիկը չեն եղել դաշնակցական, այո՛, որոշ ժամանակով եղել են, բայց դուրս են եկել ու հեռացել են ձեզանից, որովհետև հասկացել են, որ այդ կուսակցությունը ոչ թե ազգային է, այլ գործակալական»,- եզրափակել է Ասլանյանը: