«Ոչ ոք չի համարձակվի մեզ դասախոսություն կարդալ մեր պատմության մասին». Չավուշօղլուն՝ Բայդենին

Թուրքիայի արտաքին գործերի նախարար Մևլութ Չավուշօղլուն պատասխանել է ԱՄՆ-ի նախագահ Ջո Բայդենի ապրիլքսանչորսյան ուղերձին, որում վերջինը կրկին կիրառել է «Հայոց ցեղասպանություն» եզրույթը։

«Շառլատանները, որոնք փորձում են խեղաթյուրել պատմությունը, նորից հայտնվում են քաղաքական բեմում։ Քաղաքական հայտարարությունները չեն փոխի պատմական իրողությունները: Նրանք, ովքեր փորձում են օգուտ ստանալ՝ հիմնվելով նախապաշարմունքների վրա, կհիշվեն՝ որպես երկերեսանի: Ոչ ոք չի համարձակվի պատմություն սովորեցնել մեծ թուրք ժողովրդին»,- «Թվիթեր»-ում գրել է Չավուշօղլուն։