«Նիկոլ-***» գոչելու համար ձերբակալվածը 30 տարեկան է. մանրամասներ

Ֆեյսբուքյան իր էջի ուղիղ եթերում իրավապաշտպան Ռուբեն Մելիքյանը հայտնեց, որ ԱԺ ընդդիմադիր պատգամավորները ևս մեկնել են ոստիկանության Կենտրոնի բաժին, որտեղ բերման է ենթարկվել այն երիտասարդն, ով Սայաթ Նովա փողոցում վարչապետ Նիկոլ Փաշինյանին «Նիկոլ դավաճան» էր անվանել: «Բոլորիս պարտքն է պաշտպանել նման իրավիճակում հայտնված քաղաքացուն, և ԱԺ պատգամավորները նույնպես պատրաստակամություն են հայտնել կանգնել այդ քաղաքացու կողքին, պաշտպանել նրան, այս պահին էլ նրանք ոստիկանության բաժին են գալիս»,- ասաց նա: Ձերբակալված երիտասարդը մոտ 30 տարեկան է, քաղաքական գործիչ չէ, քաղաքականությամբ չի զբաղվում: