«Ո՞նց ես ընտրված նախագահին բան ասում». Փաշինյանին «***» անվանած Սամվել Վարդանյանն ազատվել է աշխատանքից

Նիկոլ Փաշինյանին «դավա***» անվանելու համար երեկ ոստիկանության բաժին տարված Սամվել Վարդանյանը գործատուի հետ խնդիրներ է ունեցել իր կատարած արարքի համար: Նա ազատվել է աշխատանքից:
«Շատ տհաճ խոսակցություն եմ ունեցել գործատուիս հետ, ինքը համաձայն չէր իմ ասածի հետ, ինձ ասաց՝ այդ արարքիցս հետո նույնիսկ հյուրանոց ոտք չպետք է դնեի, այդտեղ ես ադմինիստրատոր էի աշխատում: Ասաց, որ սխալ եմ, ո՞նց եմ ընտրված նախագահին բան ասում և այլն: Մեր տհաճ խոսակցությունից երկուստեք հասկացանք՝ այդ աշխատանքն այլևս անհնար է: Իրենք կուսակցական չեն, բայց խնդիրն այն է, որ իրենք հասկացան, որ խնդիրներ կունենան իմ նման աշխատող ունենալու դեպքում»,- «Առավոտ»-ին պատմել է Սամվել Վարդանյանը:

«44-օրյա պատերազմի մասնակից Վարդանյանին գործատուն նաև ասել է, թե նույնիսկ սահմանից եկածներն իրենց նման կերպ չեն պահում: Այնինչ, Վարդանյանը երկար պնդում էր, որ մեր հարցազրույցում նույնիսկ չնշենք պատերազմին իր մասնակցությունը. «Չեմ ուզում իմ մասնակցությունը շահարկել, ես նոյեմբերի 9-ի երեկոյան եմ վերադարձել, այնքան բան եմ այնտեղ տեսել, որ դիսերտացիա կարող եմ գրել, բայց հիմա չեմ ուզում խոսել այդ մասին, չեմ ուզում նշվի իմ մասնակցության մասին»: Անդրադառնալով ՔՊ գրասենյակի դիմաց տեղի ունեցածին՝ Վարդանյանն ասել է, որ պատրաստվում է բողոքարկել իրեն անօրինական ձերբակալելու որոշումը»,- գրում է աղբյուրը:

Մանրամասները՝ սկզբնաղբյուր կայքում: