«ՄԻՊ-ը ստատուս գրող, օրվա իրադարձությունների մասին հայտարարություն անող սուբյեկտ չէ»․ Անահիտ Մանասյան

Լրագրողների հետ ճեպազրույցում՝ ՀՀ ՄԻՊ Անահիտ Մանասյանը՝ պատասխանելով հարցին, թե ի՞նչն է պատճառը, որ ընտրվելուց ի վեր հասցեական գնահատականներ չի հնչեցնում երկրում կատարվող իրադարձությունների վերաբերյալ, արդյոք ինչո՞ւ է կաշկանդված, ասաց. «Ես մշտապես կաշկանդված եմ մի բանով ՝ իրավունքով, իրավական ու մարդկային արժեքներով, իմ ամբողջ գործունեությունը կառուցված է դրա հիման վրա։ Այս մասով անընդհատ տարբեր տեսակի մեկնաբանություններ եմ լսում, հետևաբար մի քանի կարևոր հանգամանք ընդգծեմ այս մասով․ ՄԻՊ-ը ոչ թե ստատուս գրող ու օրվա իրադարձությունների մասով հայտարարություն անող սուբյեկտ է, այլ կոնկրետ իրավունքների առկայությունը կամ բացակայությունն արձանագրող սուբյեկտ՝ այն իրավիճակներում, երբ խոսքը վերաբերում է անհատական գործերին»,- ասաց ՄԻՊ Անահիտ Մանասյանը։