Երեքշաբթի, 23 հուլիսի, 2024 թ.
|
Ստեփանակերտում`   +21 °C

ԱՄՆ-ն պատժամիջոցներ է սահմանել ՌԴԱԾ-ի և ԻՀՊԿ-ի դեմ

ԱՄՆ-ն պատժամիջոցներ է սահմանել ՌԴԱԾ-ի և ԻՀՊԿ-ի դեմ
764
Հինգշաբթի, 27 ապրիլի, 2023 թ., 22:42

Միացյալ Նահանգները պատժամիջոցներ է սահմանել Ռուսաստանի Դաշնության անվտանգության դաշնային ծառայության և Իսլամական հեղափոխության պահապանների կորպուսի (ԻՀՊԿ) հետախուզության դեմ՝ «ամերիկացի քաղաքացիներին ապօրինաբար կալանավորելու համար»։
Վաշինգթոնի վարչակազմի պաշտոնյայի խոսքով՝ պատժամիջոցների առաջին փուլը սահմանվում է ԱՄՆ նախագահ Ջո Բայդենի գործադիր հրամանի համաձայն՝ «Ռուսաստանի և Իրանի սուբյեկտների» դեմ, որոնք «նախկինում կամ ներկայում պատանդ են պահել կամ անօրինական կերպով կալանավորել ամերիկացիներին»։
Նա ընդգծել է, որ այդ «սուբյեկտները» փորձում են օգտագործել ամերիկյան քաղաքացիներին՝ «որպես քաղաքական լծակներ կամ ԱՄՆ-ից զիջումներ ստանալու գործիքներ»։ Նման գործողությունները սպառնալիք են դարձել միջազգային քաղաքական համակարգի կայունությանն ու ամբողջականությանը, արտերկրում գտնվող ամերիկացիների անվտանգությանը, ասել է պաշտոնյան։
«Նրանք (ԱԴԾ-ն և Իսլամական հեղափոխության պահապանների կորպուսը) պատասխանատու են արտասահմանում ԱՄՆ քաղաքացիների անօրինական կալանավորումը պատվիրելու, վերահսկելու կամ այլ կերպ ուղղորդելու համար»,- ասել է վարչակազմի պաշտոնյան:
Նրա խոսքով՝ ԱԴԾ-ն ներգրավվել է «Ռուսաստանում անարդարացիորեն կալանավորված» ԱՄՆ քաղաքացիների ձերբակալություններին, հետաքննությանն ու կալանավորմանը։ Իսլամական հեղափոխության պահապանների կորպուսը ներգրավված է նաև արտասահմանում ամերիկացիների «սխալ կալանավորման» «մեղսակցության կամ պատասխանատվության մեջ», պնդում է քաղաքական գործիչը։